Ayyaanni Injifannoo Adwaa Dhaloota Har’aafi Boruutiif Hiikkaa Guddaa Qaba Jedhame

 Ayyaanni Injifannoo Adwaa Dhaloota Har’aafi Boruutiif Hiikkaa Guddaa Qaba Jedhame

OPP Gurraandhala 23, 2014- Ayyaanni Injifannoo Adwaa, Ayyaana dhaloota har’aaf boruutiif hiikkaa guddaa qaba jedhan Pirezedaantiin Itti Aanaa Mootummaa Naannoo Oromiyaa Obbo Awwaluu Abdii.

Ayyaanni kun seenaa addunyaa gurraachi Adii mo’achuu itti danda’u agarsiisedha jedhan.

Ayyaanichi miira injifannoofii mo’ichaa uummata Itiyoophiyaatti uumes jedhan.

Kan bara kanaa adda kan taasisu dhaloonni ammaa humna juuntaa itti barbadaa’aniifii Hidhi Haaromsa Guddichi Itti Humna anniisaa maddisiisuu eegale ta’uudha kan jedhan Obbo Awwaluun,uummanni Itiyoophiyaa garaa garummaa hamma fe’e qabaatus yoomiyyuu taanaan dhimma biyyaaf dursa kenna jedhan.

Koloneeffattoota galaana ce’anii dhufanis kan qaanessanii deebisan Onnee gootummaafii tokkummaa isaanii cimsuuni jedhan.

Qabsoo injifannoo kana keessatti uummanni Oromoo utubaa ta’ee loltootafi ajajoota loltootaa heddumminaan hiriirsisuun kan biyya ijaaredha.

Haaluma walfakkaatuun weerara yeroo darbe TPLF biyya diiguuf aggaamtes bifuma Adawaa duraatiin ofirraa qollanneerra jedhan.

Amma kan nu fuula dura jiru injifannoo Adwaa misooma irratti galmeessuuf of qopheessuu qabna jedhan.

Tokkummaa uummattootaa cimsuuf wantoota gargar nama qoodan dhiisanii waan kan waloo ta’e qabatanii fuulduratti imaluu barbaachisa jedhan.

Maddi: OBN